Seiðastöðin tilbúin

Það voru mikil tímamót þegar fyrsti skammturinn var fluttur frá RAS-2 yfir í RAS-3 þann 22. ágúst. RAS-3 er einmitt síðasta kerfið í seiðastöðinni sem seiðin fara í áður en seiðin verða svo flutt yfir í áframeldið. Þar af leiðandi eru öll kerfi seiðastöðvarinnar orðin starfhæf og stöðin því fullkláruð.

Seiðin líta mjög vel út og verða í RAS-3 næstu 12 vikurnar þangað til að þau verða flutt yfir í áframeldið út í Viðlagafjara. Eins og alltaf, frábær undirbúningur hjá starfsfólki sem skilaði hröðum en öruggum flutningi.